ممبئی: مہاراشٹر میں گزشتہ 24 گھنٹوں کے دوران 631 نئے معاملات سامنے آئے اور تین مریضوں کی موت ہو گئی۔ محکمہ صحت کی جانب سے پیر کو جاری بلیٹن کے مطابق نئے کیسز کے ساتھ ریاست میں کورونا متاثرین کی تعداد اب بڑھ کر 81,15,542 ہو گئی ہے جبکہ اس بیماری سےاموات کی تعداد بڑھ کر 1,48,310 ہو گئی ۔ New corona Cases in Maharashtra
گزشتہ 24 گھنٹوں میں 621 مریض صحت یاب ہوئے جس کے بعد کورونا سے بازیاب ہونے والوں کی مجموعی تعداد 79 لاکھ 62 ہزار 692 ہوگئی۔ ریاست کی بازیابی کی شرح 98.11 فیصد اور اموات کی شرح 1.82 فیصد ہے۔ فی الحال ریاست میں 4,540 فعال کیسز ہیں۔
یہ بھی پڑھیں: Corona Update ملک میں کورونا کے 5664 نئے کیسز
دریں اثنا، ریاست کے مراٹھواڑہ علاقے میں 31 نئے کیسز سامنے آئے ، جن میں سب سے زیادہ 12 کیسز لاتور میں درج کئے گئے ہیں۔
یو این آئی
