ممبئی: ریاست مہاراشٹر میں کووڈ-19 کے 734 نئے کیس سامنے آئے ہیں، یہ بات اتوار کو جاری کردہ ہیلتھ بلیٹن میں بتائی گئی ۔ ریاست کے مجموعی کیسوں کی تعداد بڑھ کر 81,10,131 ہو گئی ہے، جب کہ موت کے ایک نئے کیس کے ساتھ مجموعی تعداد 1,48,285 ہو گئی ہے۔ Total cases of Corona in Maharashtra
بلیٹن میں کہا گیا ہے کہ 1,216 مریض وائرس سے صحت یاب ہوئے اور انہیں اسپتال سے چھٹی دے دی گئی ہے، جس سے صحت یاب ہونے والوں کی تعداد 79,55,268 ہوگئی۔ ریاست کی صحت یابی کی شرح نمایاں طور پر 98.08 فیصد اور اموات کی شرح 1.82 فیصد ہے۔ بلیٹن میں مزید کہا گیا کہ اس وقت ریاست کے مختلف اسپتالوں میں 6,578 فعال کووڈ 19 مریض زیر علاج ہیں۔
