راشٹروادی کانگریس پارٹی کی سینیئر رہنما سپریا سولے نے دہلی کے حالات پر اپنی تشویش کا اظہار کرتے ہوئے کہا ہے کہ امریکی صدر ڈونلڈ ٹرمپ بھارت دورے کے درمیان دارالحکومت دہلی میں تشدد کے واقعات پیش آنا تشویشناک ہے۔
انھوں نے مزید کہا ہے کہ' وزیر داخلہ کو اس بات کی تحقیقات کرانی چاہیے کہ تشدد کے واقعات رونما کیوں ہوئے اور اس کی تحقیقات کی بھی کرائی جانی چاہیے، ملک کے وزیر داخلہ کو اس بات کا جواب دینا چاہئیے اگر وہ جواب نہیں دے سکتے ہیں تو انھیں استعفی دے دینا چاہیے۔
این سی پی رہنما کا یہ بھی کہنا ہے کہ دارالحکومت میں تشددکے واقعات وزارت داخلہ اور محکمہ انٹیلی جنس کی ناکامی ہے، دہلی میں ہوئے تشدد کی جلد از جلد تحقیقات ہونی چاہئے۔
خیال رہے کہ دہلی میں تششد کے واقعات رونما ہونے کے بعد اب 18 افراد کی ہلاکت کی تصدیق ہوئی ہے جب کہ 200 سے زائد افراد کے زخمی ہونے کی اطلاع ہے۔
