ناسک ضلع ایس پی سچن پاٹل ( ناسک گرامین) نے بتایا کہ ایگت پوری میں واقع اسکائے تاج ولا اور اسکائے لکون ولا میں ریو پارٹی منعقد ہونے کی اطلاع ملی۔ پولیس نے چھاپہ مار کارروائی کرتے ہوئے 20 سے زائد مرد و خواتین کو حراست میں لیا، جو ڈرگس اور حقہ کے نشے میں چور تھے۔
انہوں نے بتایا کہ جائے مقام سے پولیس نے کوکین ڈرگس کے علاوہ اور بھی دیگر نشیلی اشیاء کو ضبط کرلیا ہے۔ سچن پاٹل نے کہا کہ اس معاملے میں ملوث خواتین نے ساؤتھ اور بالی ووڈ کی فلموں میں کام کیا ہے اور کچھ کوریوگرافر بھی ہیں۔ جب کہ ان خواتین کا تعلق بیرونی ملک (ایران) سے ہے۔
اس معاملے میں پولیس نے دونوں بنگلہ کے ملازمین کو بھی تحویل میں لے لیا ہے۔ پولیس نے یہاں سے نشیلی اشیاء کو ضبط کرلیا اور ایک نائجیرین کو گرفتار کیا۔ پولیس نے اس معاملے میں 10 مرد اور 12 خواتین کو تحویل میں لے لیا۔ اس سلسلہ میں مزید تحقیقات جاری ہیں۔
یہ بھی پڑھیں:ممبئی: مسلمانوں کو نشے کی لت سے دور رکھنے کی انوکھی پہل
