Violence Against Muslims: 'مذہبی جلوسوں کی آڑ میں مسلمانوں کو نشانہ بنانے کی سازش'

مہاراشٹر کے اورنگ آباد میں مسلم نمائندہ کونسل کے ایک وفد نے ڈویژنل کمشنر کے ذریعہ صدر جمہوریہ کو ایک میمورینڈم روانہ کیا، جس میں کہا گیا کہ مذہبی جلوسوں کی آڑ میں ملک کی سب سے بڑی اقلیت کے خلاف فساد برپا کرنے کی کوشش کی جارہی ہے۔ اس طرح کے جلوسوں کی آڑ میں کونسی طاقتیں کارفرماں ہیں، انہیں منظر عام پر لانا چاہے اور قصورواروں کے خلاف سخت کاروائی کی جانی چاہیے۔ Muslims are being targeted under guise of religious processions

اورنگ آباد: مسلم نمائندہ کونسل نے کہا کہ مذہبی جلوسوں کی آڑ میں ملک کی سب سے بڑی اقلیت کو نشانہ بنایا جارہا ہے جب کہ ان جلوسوں کے پیچھے کارفرما طاقتوں کے خلاف سخت کارروائی کی جانی چاہیے۔ کونسل کی جانب سے اورنگ آباد ڈیویزنل کمشنر کی معرفت صدر جمہوریہ کو ایک مطالباتی میمورنڈم بھیجا گیا جس میں صدر جمہوریہ سے اپیل کی گئی ہے کہ 10 اپریل کے بعد سے ملک کے متعدد علاقوں میں تشدد کے واقعات رونما ہوئے ہیں اور ان میں یکسانیت پائی جاتی ہے۔ Muslims are being targeted under guise of religious processions

میمورنڈم میں بتایا گیا کہ یاترا کے نام پر کچھ لوگ جلوس نکالتے ہیں اور وہ لوگ پوری طرح سے ہتیاروں سے لیس ہو کر مسلم علاقوں میں جاتے ہیں اور وہاں مسلمانوں کو اکساتے ہیں اور وہاں پر پرتشدد کے واقعات ہوتے ہیں۔ تشدد کے واقعات کے بعد جلوس کی حمایت کی جاتی ہے اور کہا جاتا ہے کہ ہندؤں کو تہوار منانے سے کیوں روکا جارہا ہے، جو بالکل جھوٹ ہے۔ مسلم نمائندہ کونسل کا کہنا ہے کہ جلوسوں میں کھلے عام ہتھیاروں کی نمائش کی جارہی ہے جو انتہائی غلط ہے۔

مسلم نمائندہ کونسل کے رکن ایڈوکیٹ خضر پٹیل نے کہا ہے کہ فرقہ وارانہ تشدد کے بعد غیرقانونی طور پر ایک طبقہ کے خلاف کاروائی کرتے ہوئے بلڈوزر کے ذریعہ گھروں کو منہدم کیا جارہا ہے جو سراسر غلط ہے۔ انہوں نے مثال دیتے ہوئے کہا کہ دہلی میں بغیر اجازت نکالی گئی شوبھا یاترا کے دوران کھلے عام ہتھیاروں کے ساتھ ایک طبقہ کے خلاف نعرے بازی کی گئی اور تشدد برپا کیا گیا لیکن انتظامیہ کی جانب سے بے قصور لوگوں کو گرفتار کیا جارہا ہے اور یکطرفہ کاروائی کرتے ہوئے مسلمانوں کو نشانہ بنایا جارہا ہے۔ کونسل نے تشدد کے واقعات کی اعلیٰ سطحی جانچ کرانے کا مطالبہ کیا۔