چھ دسمبر، حکومت کو یک نکاتی مطالبہ روانہ کیا گیا

مسلم تنظیموں کی نمائندہ فیڈریشن مسلم نمائندہ کونسل کا کہنا ہیکہ اب سپریم کورٹ نے بھی یہ تسلیم کرلیا ہے کہ بابری مسجد کو غیر قانونی طریقے سے منہدم کیا گیا۔

ریاست مہاراشٹر کے ضلع اورنگ اباد میں مسلم تنظیموں کی نمائندہ فیڈریشن مسلم نمائندہ کونسل کی جانب سے بابری مسجد کی شہادت کی برسی کے موقع پر ڈیویژنل کمشنر کے توسط سے حکومت کو ایک مطالباتی مکتوب روانہ کیا گیا۔

جس میں بابری مسجد کو منہدم کرنے والوں کے خلاف فاسٹ ٹریک کورٹ میں مقدمہ چلانے اور انھیں سزا دلانے کا مطالبہ کیا گیا ہے۔

کونسل کا کہنا ہیکہ اب سپریم کورٹ نے بھی یہ تسلیم کرلیا کہ بابری مسجد کو غیر قانونی طریقے سے ڈھایا گیا ہے۔
اس لیے انصاف کا تقاضہ پورا ہونا چاہیئے، اس موقع پر شہر کے اکابرین کثیر تعداد میں موجود تھے