مسلم نمائندہ کونسل کا مطالبہ ہے کہ کسانوں کے تینوں مطالبات فوری طور پر منظور کیے جائیں۔ اسی کے ساتھ کونسل نے صدر جمہوریہ کو مکتوب لکھ کر گرفتار کیے گئے بے گناہ لوگوں کو رہا کرنے کا مطالبہ کیا ہے۔
کونسل کی جانب سے ڈیویژنل کمشنر کے توسط سے صدر جمہوریہ کو ایک مطالباتی مکتوب روانہ کیا گیا اس مکتوب کے ذریعہ درخواست کی گئی کہ کسانوں کے مطالبات کو فوری طور پر تسلیم کیا جائے اور جن بے گناہ لوگوں کو گرفتا کیا گیا ہے ان کی رہائی کو یقینی بنایا جائے۔
یہ بھی پڑھیں: کسانوں کے مسائل حل کیے جائیں: اپوزیشن
کونسل نے حکومت کی نیت پر سوال اٹھاتے ہوئے کسان احتجاج کو سبوتاز کرنے کی سازش کا الزام عائد کیا اور کہا کہ اس معاملے میں حکومت کو جوابدہ بنانا ضروری ہے۔
