این آئی اے نے یہ قدم وزارت داخلہ کی ہدایت کے بعد اٹھایا ہے اور ایجنسی نے جوہری توانائی ایکٹ 1962کی دفعہ(A) 24(1)کے تحت معاملہ پھر سے درج کیا ہے۔
مہاراشٹر کے انسداد دہشت گردی دستہ (اے ٹی ایس) نے پانچ مئی کی رات کو جگر جیش پانڈیا اور ابو طاہر افضل چودھری کو گرفتار کرکے ان کے قبضہ سے 7.1 کلو گرام یورینیم ضبط کیا تھا جس کی قیمت تقریباً 21.30کروڑ روپے لگائی گئی ہے۔
ایک خفیہ اطلاع کی بنیاد پر مہاراشٹر کی اے ٹی ایس کی ناگپاڑہ یونٹ نے 27سالہ تھانے کے باشندے جگر پانڈیا کو یورینیم کے کچھ چھوٹے ٹکڑوں کے ساتھ پکڑا تھا۔
ترجمان نے کہا کہ ایجنسی نے معاملہ کی تفتیش شروع کر دی ہے۔
