ممبئی کے ڈومبیولی (مغرب) علاقے میں واقع ریلوے کالونی کے قریب نامعلوم شخص کے قتل نیز چہرے کو جلانے کے بعد لاش کو سوٹ کیس میں بھر کر پھینک دیا گیا۔
ممبئی: سوٹ کیس سے نامعلوم شخص کی لاش برآمد، ویڈیو
اس واقعہ سے پورے علاقے میں زبردست سراسیمگی پھیل گئی ہے، لاش برآمد ہونے کی اطلاع موصول ہوتے ہی ڈومبیولی کے وشنو نگر پولیس تھانہ کی ٹیم نے جائے وقوع پر پہنچ کر لاش کو قبضے میں لے لیا۔
پولیس کے مطابق ہلاک شدہ شخص کی عمر 45 برس کے آس پاس ہے جسے قتل کے بعد ملزمین نے اس کے چہرے کو جلا کر شناخت مٹانے کی کوشش کی۔
فی الحال ڈومبیولی پولیس معاملہ درج کر کے لاش کی شناخت اور قتل کرنے والے ملزمین کو تلاش کرنے لگی ہوئی ہے۔
