ملک میں اومیکرون کا خطرہ دن بہ دن بڑھتا جا رہا ہے۔ اومیکرون مریضوں کی تعداد میں دن بدن اضافہ ہو رہا ہے۔ اسی درمیان ممبئی میں دو افراد اومیکورن Two Omicron Cases Registered In Mumbai سے متاثر پائے گئے ہیں۔ اب مہاراشٹر میں کیسز کی کل تعداد بڑھ کر 10 اور ملک میں 23 ہو گئی ہے۔ نیشنل انسٹی ٹیوٹ آف وائرولوجی کی رپورٹ میں یہ اطلاع ملی ہے۔
تیزی سے کووڈ ویکسینیشن Covid Vaccination In Mumbai کے نتیجے میں ممبئی میں کووڈ مکمل طور پرقابو میں ہے اور اس کے پھیلاؤ میں بھی کمی واقع ہوئی ہے۔
ممبئی میونسپل کارپوریشن کے کستوربا اسپتال اور پونے کے نیشنل انسٹی ٹیوٹ آف وائرولوجی میں نیکسٹ جنریشن سیکوینسنگ لیب کے ذریعہ پانچویں مرحلہ کے حصے کے طور پر کووڈ سے متاثرہ مریضوں کے کل 277 نمونوں کی جانچ کی گئی۔
یہ بھی پڑھیں: Omicron in Maharashtra: مہاراشٹر میں اومیکرون مریضوں کی تعداد میں اضافہ
ممبئی میں پہلے ہی اعلان کیا جا چکا ہے کہ دو افراد اومیکرون متاثر ہیں اور اس میں کوئی اضافہ نہیں ہوا ہے اس کے علاوہ، جب اس کے قریبی رشتہ داروں اوررابطہ کاروں کا کووڈ کے لیے ٹیسٹ کیا گیا تو یہ واضح ہو گیا کہ کوئی بھی کووڈ سے متاثر نہیں ہے۔ میونسپل انتظامیہ امیکرون مریضوں پر نگرانی کر رہی ہے۔
