یہ پوسٹر مبینہ طور پر شیوسینا کے کارپوریٹر حاجی حلیم خان کے ذریعے لگایا گیا ہے۔
ادھو ٹھاکرے کے فرزند آدتیہ ورلی اسمبلی حلقے سے کامیاب ہوئے ہیں۔
حال ہی میں برہن ممبئی میونسپل کارپوریشن (بی ایم سی) نے ادھو ٹھاکرے کی رہائش گاہ کے باہر نصب ہورڈنگز کو ہٹایا تھا جس میں لکھا تھا کہ 'مہاراشٹر کے وزیراعلیٰ صرف آدتیہ ٹھاکرے'۔
واضح رہے کہ شیوسینا اپنی حلیف جماعت بی جے پی کے ساتھ ففٹی ففٹی کے فارمولے کے تحت اقتدار میں حصے داری چاہتی ہے جبکہ بی جے پی نے وزیراعلیٰ کا عہدہ شیوسینا کو دینے سے واضح طور پر انکار کر دیا ہے۔
حالانکہ شیوسینا کے رکن اسمبلی پرتاپ سرنائک نے کہا تھا کہ 'ان کی پارٹی کے سربراہ کو بی جے پی سے اقتدار میں یکساں میعاد کے تعلق سے تحریری یقین دہانی چاہیے۔'
مہاراشٹر اسمبلی انتخابات میں شیوسینا ۔ بی جے پی اتحاد نے حکومت سازی کے لیے واضح اکثریت حاصل کی ہے اور بی جے پی کو سب سے زیادہ نشستوں پر کامیابی ملی ہے۔
