مہاراشٹر کے دارالحکومت ممبئی کے علاقے دادر میں واقع وزیراعلی اددھو ٹھاکرے کے گھر کے باہر پنجاب مہاراشٹر کو-آپریٹیو بینک (پی ایم سی) کے سیکڑوں کھاتہ دار احتجاج کررہے تھے اور ان سے ملاقات کرنے کا مطالبہ کررہے تھے۔
حالانکہ احتجاج کرنے والے متعدد افراد کو پولیس نے حراست میں بھی لیا ہے اور معاملے کی سنجیدگی دیکھتے ہوئے اددھو ٹھاکرے نے کھاتہ داروں کے ایک وفد سے ملاقات کی اور ان کے مسائل سے واقفیت حاصل کی۔
واضح رہے کہ پی ایم سی بینک کے متعدد اکاؤنٹ ہولڈرز ایسے ہیں روزانہ کی بنیاد پر کام کرنے اور بچت کرنے کی بنیاد پر بینک میں پیسے جمع کیا کرتے تھے۔
حالانکہ اس معاملے میں ممبئی پولیس نے پی ایم سی بینک میں بد عنوانی کرنے والے ملازمین کو گرفتار تو کرلیا گیا ہے لیکن بینک کے صارفین کی پریشانیاں اب بھی برقرار ہے کہ ان کے پیسوں کا کیا ہوگا؟
آر بی آئی کے ذریعہ پابندی عائد ہونے کی اطلاع عام ہوتے ہی شہریوں میں شدید بے چینی و اضطراب کا ماحول پیدا ہوگیا تھا۔ بینک پر پابندی عائد ہونے کے سبب متعدد کھاتہ داروں کی دل کا دورہ پڑنے سے موت بھی واقع ہوچکی ہے۔
