اس حادثے کا سی سی ٹی وی ویڈیو سوشل میڈیا پر تیزی سے وائرل ہورہا ہے۔ کلیان ریلوے پولیس سے موصولہ اطلاعات کے مطابق منگل کے روز دلیپ مانڈگے 52 برس اپنے بیٹے کے ساتھ سفر کرنے کلیان اشٹیشن پہنچے اور وارنسی جانے والی کامیانی ایکسپریس میں سوار ہوگئے۔
مگر انہیں تھوڑی دیر بعد جب اس بات کی جانکاری ہوئی کہ وہ غلط ٹرین میں سوار ہوگئے ہیں کیونکہ ان دونوں کو پون ایکسپریس سے سفر کرنا تھا، تب تک ٹرین پلیٹ فارم سے روانہ ہوچکی تھی اور چلتی ٹرین سے بیگ لیکر اتر رہے اس شخص کا توازن بگڑ گیا اور وہ ٹریک پر گر گئے۔
مگر اسی درمیان وہاں موجود ایم ایس ایف (مہاراشٹر کے سکیورٹی فورس) جوان سومناتھ مہاجن اور آر پی ایف جوان کے ساہو نے فوراً مسافر کو ٹریک سے کھینچ لیا اور اس حادثہ میں دلیپ مانڈگے کی جان بچ گئی اور معمولی طور سے زخمی ہوگیے۔
کلیان اشٹیشن پر موجود ان دونوں جوانوں کی مستعدی کی زبردست ستائش ہورہی ہے۔
