مہاراشٹر وزیر نواب ملک نے جمعرات کے روز پریس کانفرنس کرتے ہوئے این سی بی کے زونل ڈائیریکٹر سمیر وانکھیڑے پر سنگین الزامات لگائے۔
اُنہوں نے کہا ہے کہ اُن کے داماد سمیر خان کو این سی بی نے جبراً گرفتار کیا ہے۔ اُن کے پاس سے گانجا برآمد نہیں ہوا۔ یہ کورٹ میں واضح ہوگیا ہے۔
انھوں نے کہا کہ جس منشیات کی بنا پر اُنہیں گرفتار کیا گیا وہ ہربل پروڈکٹ ہے، جب کہ ملک کی اس بات کو لے کر این سی بی نے سیشن کورٹ کے حکم کے خلاف ہائی کورٹ جانے کا فیصلہ کیا۔ این سی بی نے کہا کہ جو پروڈکٹ اُن کے پاس برآمد ہوا ہے وہ منشیات ہی تھی۔
اس سے پہلے این سی بی کے زونل ڈائریکٹر سمیر وانکھیڑے نے اپنی جاسوسی اور تعاقب کو لیکر ممبئی پولیس کے خلاف ریاست کے ڈی جی اور ممبئی کے پولیس کمشنر سے شکایت کی ہے۔
یہ بھی پڑھیں:Drugs Party Case: آرین خان کی ضمانت پر فیصلہ محفوظ
اس معاملے سے متعلق وزیر داخلہ نے یہ واضح کر دیا ہے کہ اس معاملے میں جب ان کے پاس کوئی لیٹر آئے گا تو اس وقت کارروائی کا سلسلہ آگے بڑھایا جائے گا۔
دوسری جانب مرکزی حکومت نے وانکھیڑے کی ممبئی میں ان کے عہدے کی معیاد میں 6 مہینے کا اضافہ کر دیا جس کے بعد منشیات کی سودے بازی اور اس کے عادی افراد ملزمین کے خلاف کارروائی میں تیزی برتنے کے لئے وانکھیڑے نے کئی محکمہ کے افسران کے ساتھ میٹنگ کی تاکہ ممبئی میں منشیات کے چین کو توڑا جاسکے۔
