ریاست مہاراشٹر کے ممبئی میں ایک 36 سالہ شخص کو گرفتار کیا گیا ہے، اس پر الزام ہے کہ اس نے سوشل میڈیا پر ایک پیغام جاری کرتے ہوئے کورونا وائرس کو حکومت کی سازش قرار دیا تھا۔
کرلا ایسٹ قریشی نگر کےرہنےوالے شمیم افتخار خان نے پوسٹ میں لوگوں سے حکام کو شخصی معلومات فراہم نہ کرنے کی بھی ترغیب دی تھی۔
افتخار نے پوسٹ میں مزید دعویٰ کیا کہ وائرس کا کوئی وجود نہیں ہے جبکہ حکومت بعض لوگوں کو نشانہ بنانا چاہتی ہے۔ پوسٹ میں عوام سے حکام کو کسی بھی قسم کی معلومات فراہم نہ کرنےکا مشورہ دیا گیا ہے۔
چونابٹی پولیس نے کہا کہ افتخار کے خلاف مختلف دفعات کے تحت مقدمہ درج کیا گیا ہے۔
