ریاست مہاراشٹر کے دارالحکومت ممبئی میں سوشل ڈسٹنسنگ قوانین پر عمل کرنے کے لئے قربانی کے مویشیوں کو شہر میں لانے پر پابندی لگا دی گئی ہے۔
وہیں ٹول ناکوں پر قربانی کے مویشیوں کو شہر میں لانے کی جدوجہد اور کوشش اور امید ابھی بھی باقی ہے لیکن مہاراشٹر کے دس مسلم ارکین اسمبلی اب تک لوگوں کے درمیان نہیں پہنچ سکے ہیں جن کا بے صبری سے انتظار کیا جا رہا ہے۔
لوگوں کا کہنا ہے کہ 'قربانی کے فریضے کو ادا کرنے کے لئے مجلس کے ذمہ دارن ناکہ پر ڈٹے ہوئے ہیں۔ سب اس امید سے بیٹھے ہیں کہ شاید مسلم رہنماؤں کی بے بسی اور لاچاری کو درکنار کر حکومت یہاں موجود لوگوں کے بارے میں کچھ نتیجہ نکالے گی تاکہ قربانی کے فریضہ کو ممبئی کے مسلمان ادا کر سکیں۔'
دراصل سوشل ڈسٹنسنگ قوانین پر عمل کرنے کے لئے شہر میں بکروں کی مندی اور کاروباریوں پر پابندی لگا دی گئی ہے۔ یہی وجہ ہے کہ ممبئی اور ممبئی کے حدود میں داخل ہونے سے پہلے ہی پولیس کارروائی کر رہی ہے۔
اب ایسے میں لوگوں کی نگاہیں حکومت پر ٹکی ہوئی ہیں کہ قربانی میں محض ایک دن باقی ہیں تو حکومت کیا فیصلہ لیتی ہے۔
