دارالحکومت ممبئی کی ناگپاڑہ پولیس نے ایسے شخص کو دیسی کٹہ کے ساتھ گرفتار کیا ہے جو سنہ 2014 میں ہونے والے قتل معاملے میں بھی ملوث ہے۔
ملزم کا نام رشید شیخ ہے، اس سے قبل اس نے اپنے ساتھی عابد علی شیخ کے ساتھ مل کر فٹ پاتھ پر رہنے والے ششی نامی شخص کا قتل کر دیا تھا۔
قتل کی واردات کے بعد پولیس نے انہیں گرفتار کر لیا تھا، اس کے ساتھی عابد علی کو اس معاملہ میں عمر قید کی سزا سنائی گئی تھی۔
رشید شیخ نامی شخص کو پولیس نے اسے آرمس ایکٹ کے تحت گرفتار کیا ہے۔
تفصیلات کے مطابق پولیس کو اطلاع ملی تھی کہ رشید شیخ ڈرگس فروخت کرتا ہے اور پولیس نے جب جانچ کی تو معلوم ہوا کہ اس کے پاس دیسی کٹہ بھی ہے، جس کے بعد پولیس نے اسے گرفتار کر لیا۔
سنیئر انسپکٹر شالینی شرما نے بتایا کہ اس معاملہ میں جس ملزم کو گرفتار کیا ہے وہ قتل کے مقدمہ میں سزا کاٹ کر آزاد ہوا ہے اور لوگوں پر رعب جمانے کے لیے دیسی کٹہ اس نے اپنے پاس رکھا تھا۔
انہوں نے کہا کہ اس سے ہم نے منشیات سے متعلق بھی باز پرس کی ہے لیکن اس میں اس کا کوئی کنکشن نہیں ملا ہے جبکہ اس کا ساتھی اب بھی جیل میں ہے جسے عمر قید کی سزا ہوئی۔
