پولیس ذرائع سے موصولہ اطلاعات کے مطابق تجارتی شہر الہاس نگر کے ہل لائن پولیس تھانہ کے وسار گاؤں میں ایک معمر شخص کا آہنی تار سے گلا گھونٹ کر قتل کرکے لاش کو وہیں نزدیک کے ایک کھیت میں پھینک کر ملزم فرار ہوگیا۔
پولیس کے اعلی افسران نے الہاس نگر کرائم برانچ کی ٹیم نے اس قتل کا معمہ حل کرنے کی ذمہ داری دی۔
کرائم برانچ کے سینئر پولیس انسپکٹر مہیش ترڈے اور ان کی ٹیم نے قاتل کو مختلف زاویہ سے تفتیش کرتے ہوئے تلاش کرنا شروع کیا۔ پولیس نے ایک سی سی ٹی وی فوٹیج کی بنیاد پر قاتل کو گرفتار کرنے میں کامیاب رہی۔
سینئر پولیس انسپکٹر مہیش ترڈے کے مطابق ملزم وٹھل گنیش دودھیشیا (32) نے اعتراف کیا کہ مقتول سیجو مل کیرومل رامنانی (70) سے اس نے پانچ ہزار روپے لیے تھے اور مقتول رامنانی اپنے ادھار دیئے۔ پیسوں کا مطالبہ کررہا تھا اس سے پیچھا چھڑانے کے لیے اس نے کیرومل کو موٹر سائیکل پر بٹھاکر الہاس نگر وسار گاؤں لے گیا اور وہاں ایک تار سے اس کا گلا گھونٹ کر قتل کردیا۔ اور لاش کو جائے واردات کے نزدیک پھینک کر فرار ہوگیا تھا۔
