ریاست مہاراشٹر کے ضلع اورنگ آباد میں کورونا مریضوں کی تعداد میں اضافہ ہو رہا ہے جس کی وجہ سے اسپتالوں میں گلوکوز بوتل اور ادویات زیادہ لگ رہی ہے۔ اسی کو دیکھتے ہوئے مجلس اتحاد المسلمین کے رکن پارلیمان سید امتیاز جلیل نے اورنگ آباد کے سرکاری اسپتال گھاٹی کو 4000 گلوکوز کی بوتلیں دی ہیں۔
کورونا مریضوں کی تعداد میں اضافے کی وجہ سے مراٹھواڑہ کے سب سے بڑے سرکاری اسپتال گھاٹی میں گلوکوز کی بوتلوں کی کمی ہو رہی ہے جِس کو دیکھتے ہوئے رکن پارلیمان امتیاز جلیل نے مراٹھواڑہ کے سب سے بڑے سرکاری اسپتال گھاٹی میں چار ہزار گلوکوز کی بوتلیں دی ہیں۔
گھاٹی اسپتال میں مختلف مقامات سے لوگ علاج کی غرض سے پہنچتے ہیں لیکن کورونا وبا کی وجہ سے مریضوں کو اسپتال میں دواؤں کی قلت ہو رہی ہے۔ ضرورت مندوں اور غریب مریضوں کے رشتے داروں کو باہر سے گلوکوز کی بوتلیں خریدنی پڑ رہی ہیں۔ انہی سب باتوں کو دیکھتے ہوئے رُکن پارلیمان امتیاز جلیل نے ایک نجی ایجنسی سے مریضوں کے لئے 4000 گلوکوز کی بوتلیں خریدیں اور انہیں اورنگ آباد کے گورنمنٹ میڈیکل اسپتال کے سپرنٹنڈنٹ سریش ہرباڈے اور دیگر ڈاکٹروں کے حوالے کی ہے۔
رکن پارلیمان امتیاز جلیل نے کہا کہ اگر اسپتال میں علاج کے دوران ضروری ادویات اور دیگر طبی سامان کی کمی ہے تو فوری طور پر اس کی اطلاع دی جائے تاکہ ادویات اور طبی سامان جلد سے جلد دستیاب ہوسکے۔
