مہاراشٹر کے مراٹھواڑہ خطہ کے آٹھ اضلاع میں گزشتہ 24 گھنٹوں کے دوران کورونا وائرس کے 1،447 نئے کیسز سامنے آئے ہیں۔ جس کے بعد متاثرہ افراد کی مجموعی تعداد خطہ میں 33،613 ہوگئی ہے۔
انتظامیہ کا کہنا ہے کہ اتوار کی رات تک آٹھ اضلاع میں کورونا وائرس سے 28 اموات ہوچکی ہیں، جس سے مجموعی ہلاکتیں 1،099 ہوگئی ہیں جبکہ 21،000 مریضوں کو صحت یاب ہونے کے بعد مختلف اسپتالوں سے فارغ کردیا گیا ہے۔
یہ بھی پڑھیں: اورنگ آباد میں تفریح کے لیے گئے نوجوان کی ڈوب کر موت
ڈسٹرکٹ ہیڈ کوارٹر سے موصولہ اعداد و شمار کے مطابق اورنگ آباد میں سب سے زیادہ 297 کیسز اور 9 اموات ہوئیں۔ اس کے بعد ضلع بیڈ میں 463 نئے کیسز سامنے آئے ہیں، وہیں جالنہ میں 112 کیسز اور 4 ہلاکتیں، لاتور میں 228 کیسز اور 8 اموات، عثمان آباد میں 183 کیسزاور 3 اموات، پربھنی میں 72 کیسز اور چار اموات، ضلع ناندیڑ میں59 اور ہنگولی میں کورونا وائرس کے 33 نئے کیسز رپورٹ ہوئے ہیں۔
