مالیگاؤں کے رکن اسمبلی مفتی اسماعیل نے کہا کہ ریاست کے مختلف اضلاع میں جہاں جہاں پاورلوم صنعت ہے وہاں کے تعلق سے حکومت نے اپنے بجٹ میں کوئی فنڈ نہیں دیا ہے۔
اس کی وجہ سے بالخصوص بنکر برادری مایوس ہے۔ مہا وکاس اگھاڑی حکومت جہاں تمام طبقات کو ساتھ لے کر چلنے کی بات کرتی ہے لیکن بجٹ اجلاس میں بنکروں کو مکمل طو رپر نظر انداز کر دیا گیا ہے۔
حالانکہ اس بجٹ سے پہلے ریاست کی عوام جو پاور لوم سے منسلک ہیں اُنہیں مہا وکاس اگھاڑی سے بڑی امیدیں وابستہ تھیں لیکن ان کی اُمیدوں پر اس وقت پانی پھر گیا جب حکومت نے بجٹ پیش کیا کیونکہ کاشتکاروں کو لیکر حکومت نے بجٹ پیش کیا لیکن کاشتکاروں کے بعد ریاست میں جس پیشے سے متوسط طبقے کی سب سے زیادہ وابستگی رہی اسے مایوسی کا سامنا کرنے پڑا ۔
پاورلوم صنعت سے بنکر برادری کا سب سے زیادہ تعلق رہا لیکن اس کاروبار سے جڑے کاروباری گزشتہ کئی برسوں سے پریشان ہیں کیونکہ یہ پیشہ اور اس سے منسلک افراد بدحالی کا شکار ہیں۔
