ممبئی: ابوعاصم اعظمی نے ریاست مہاراشٹر میں عیدالاضحی کے موقع پر فرقہ پرستوں سے سختی کے ساتھ نمٹنے کا حکومت سے مطالبہ کیا۔ انہوں نے کہا کہ اگر کوئی گئوونش یا گئو رکشکوں کے نام پر ماحول خراب کرنے اور مویشیوں کی بے جا پکڑ دھکڑ کر کے جانوروں کے تاجروں کو ہراساں کرتا ہے تو اس کے خلاف سخت کاروائی کا طالبہ کیا گیا۔
انہوں نے کہا کہ فارم ہاؤس سے دیونار سلاٹر ہاؤس میں مویشیوں اور قربانی کے جانور کی آمد کی شرائط اور اس کی میڈیکل فیس فوری طور پر ختم کی جائے اور اس قسم کی بے جا شرائط کا خاتمہ کیا جائے۔ اس کے ساتھ چیک ناکوں پر پولس کا خاص بندوبست کیا جائے۔ ابوعاصم اعظمی نے جانوروں کی میڈیکل تشخیص اور جانچ کی فیس جو پہلے بیس روپے تھی۔ اس میں اضافہ کر کے اسے دو سو روپیہ کیا گیا۔ اس لئے سابقہ فیس ہی وصول کی جائے اور اضافی فیس کو ختم کیا جائے۔
میٹنگ میں اعظمی نے یقین دلایا کہ مسلمان گئو ونش کی قربانی نہیں کرتے ہیں لیکن بجرنگ دل و وشو ہندو پریشد کی جانب سے غنڈہ گردی کی جارہی ہے۔ انہوں نے کہا کہ عید الاضحی سے قبل دیونار میں ضروری انتظامات کے ساتھ سہولیات اور جانوروں کے تحفظات کو یقینی بنایا جائے یہاں ہر قسم کی سہولت فراہم ہو اس پر وزیر اعلی ایکناتھ شندے اور نائب وزیر اعلی و داخلہ دیویندر فڑنویس نے اعظمی کے مطالبات کو قبول کرتے ہو ئے ضروری اقدامات کی ہدایت جاری کی ہے۔
یہ بھی پٖڑھیں:MPJ Demand مہاراشٹر میں مریضوں کے حقوق کے تحفظ کےلئے فوری کارروائی کرے سرکار: ایم پی جے
اعظمی کی کامیاب کوششو ں کے سبب اب جانوروں کی طبی جانچ کی فیس بیس روپیہ ہی ادا کرنی ہو گی۔ اس کے ساتھ کسی بھی قسم کا کوئی نظم ونسق کا مسئلہ درپیش نہیں رہے گا کیونکہ سرکار نے پولس کو بھی سخت احکامات جاری کئےہیں۔ اعظمی نے مسلمانوں سے اپیل کی ہے کہ اگر انہیں کوئی مسائل درپیش آتے ہیں تو وہ ان سے رابطہ کر سکتے ہیں انہیں حل کرنےکی سعی کی جائے گی۔
