مالیگاؤں: ریاستی وزیر چھگن بھجبل کا ہنگامی دورہ

ریاست مہاراشٹر کے مسلم اکثریتی شہر مالیگاؤں میں کورونا وائرس کے مثبت مریضوں کی بڑھتی ہوئی تعداد کو دیکھتے ہوئے ریاستی وزیر چھگن بھجبل نے شہر کا ہنگامی دورہ کیا ہے۔

مہاراشٹر کے ریاستی وزیر چھگن بھجبل نے اعلی افسران اور محکمہ صحت عامہ کے ڈاکٹروں سے ملاقات کی۔ انہوں نے کہا کہ سرکاری اسپتالوں میں ایمرجنسی طبی سہولیات مہیا کرائی جائیں گی۔

کورونا وائرس کی روک تھام کے لیے شہر کے ہسپیشل میں آئی پی اے افسر ڈاکٹر پنکج آشیا کی تقریری عمل میں آئی ہے۔

مالیگاؤں میں ریاستی وزیر چھگن بھجبل کا ہنگامی دورہ

چھگن بھجبل کے ہمرہ ریاستی وزیر و رکن اسمبلی دادا بھسے نے بھی شہر کے مختلف علاقوں اور ہسپتالوں کا جائزہ لیا۔ وہیں چھگن بھجبل نے 15 اپریل کے بعد پانچ کلو اناج تقسیم کرنے کا اعلان بھی کیا ہے۔