نئی دہلی: وزیر اعظم نریندر مودی آج مہاراشٹر اور گوا کا دورہ کریں گے۔ اس دوران مودی شری سائی بابا مندر میں پوجا کریں گے۔ وزارت عظمی کے دفتر کی جانب سے دی گئی اطلاع کے مطابق مودی مندر کے احاطے میں نو تعمیر کردہ مقامات کا بھی افتتاح کریں گے تاکہ عقیدت مندوں کے درشن کے لیے قطار میں کھڑے ہو سکیں۔ مہاراشٹر کے دورہ کے دوران وزیر اعظم ریاست میں تقریباً 7500 کروڑ روپے کے کئی ترقیاتی پروجیکٹوں کا افتتاح کریں گے۔
وزیر اعظم کے دفتر سے جاری کردہ ریلیز کے مطابق وزیر اعظم مودی دوپہر ایک بجے کے قریب احمد نگر ضلع کے شرڈی پہنچیں گے۔ یہاں وہ شری سائی بابا سمادھی مندر میں پوجا کریں گے۔ وہ مندر میں درشن کی نئی قطار کا افتتاح بھی کریں گے۔ یہاں ایک جدید عمارت تعمیر کی گئی ہے۔ جس میں عقیدت مندوں کے لیے آرام دہ ویٹنگ روم کے علاوہ دیگر سہولیات فراہم کی گئیں ہیں۔ اس نئے درشن کیو کمپلیکس کا سنگ بنیاد وزیر اعظم نے اکتوبر 2018 میں رکھا تھا۔ وزیراعظم نریندر مودی شرڈی میں ایک عوامی پروگرام میں شرکت کریں گے۔ یہاں وہ صحت، ریل، سڑک اور تیل جیسے شعبوں میں تقریباً 7500 کروڑ روپے کے کئی ترقیاتی منصوبوں کا افتتاح اور سنگ بنیاد رکھیں گے۔
مزید پڑھیں: ہر اس برائی کو ختم کیا جائے جس سے ملک کی ہم آہنگی خراب ہو: وزیراعظم مودی
مہاراشٹر کا دورہ ختم کرنے کے بعد وزیراعظم مودی گوا کا دورہ کریں گے جہاں وہ مرگاؤ کے پنڈت جواہر لال نہرو اسٹیڈیم میں 37ویں قومی کھیلوں کا افتتاح کریں گے۔ اس کے ساتھ وزیر اعظم نریندر مودی گیمز میں حصہ لینے والے کھلاڑیوں سے بھی خطاب کریں گے۔
