اورنگ آباد: کورونا کے تعلق سے افسران اور عوامی نمائندوں کی میٹنگ

ریاست مہاراشٹر کے اورنگ آباد میں کورونا وائرس کے بڑھتے معاملوں کو دیکھتے ہوئے رکن پارلیمان اور اراکین اسمبلی نے اعلیٰ افسران کے ساتھ میٹنگ کی۔ اس دوران وبا پر کس طرح سے قابو پایا جائے اس پر بات کی گئی۔

اورنگ آباد کے ڈویژنل کمشنر آفس میں رکن پارلیمان امتیاز جلیل، ڈاکٹر بھاگوت کراڑ اور اراکین اسمبلی کی موجودگی میں اعلیٰ افسران کے ساتھ ایک میٹنگ ہوئی۔

یہ میٹنگ تین گھنٹے تک چلی، اس میٹنگ میں کورونا وبا اور شہریوں کے مسائل کا جائزہ لیا گیا۔

میٹنگ کے بعد رکن پارلیمان امتیاز جلیل نے بتایا کہ عوامی نمائندوں نے انتظامیہ کی کئی خامیوں کو اجاگر کیا اور انہیں دور کرنے کا فیصلہ کیا گیا۔

افسران اور عوامی نمائندوں کی میٹنگ

امتیاز جلیل کے مطابق تاخیر سے ہی صحیح حالات کو درست کیا جائیگا۔