ریاست مہاراشٹر کے شہر اورنگ آباد میں اقلیتی تعلیمی اداروں کو درپیش مسائل پر میٹنگ رکھی گئی جس میں کانگریس پا رٹی کے رہنما ایم ایم شیخ نے خصوصی طور پر شرکت کی۔ اور اقلیتی تعلیمی اداروں کو درپیش مسائل کے ساتھ ہی اقلیتی تعلیمی اداروں کو آر ٹی ای سے علاحدہ رکھا جائے اسکا بھی مطالبہ کیا گیا۔
Hold a Meeting on Issues Related to Minority Educational Institutions
مہاراشٹر مائناریٹز ایجوکیشنل سوسائٹیز کی اورنگ آباد میں ایک ڈیویژنل سطح کی میٹنگ ہوئی اس میٹنگ میں مہاراشٹر کانگریس لیڈر ایم ایم شیخ نے خصوصی شرکت کی اس موقع پر تعلیمی اداروں کے ذمہ داروں نے ریاست میں اقلیتی تعلیمی اداروں اور ٹیچروں کو درپیش مسائل سے انھیں آگاہ کیا، اور ریاستی حکومت سے نمائندگی کی درخواست کی۔
ایم ایم شیخ کا کہنا ہیکہ وہ اس معاملے میں وزیر تعلیم ورشا گائیکواڑ سے ملاقات کریں گے اور تمام مسائل کی یکسوئی کی کوشش کی جائے گی۔
اس میٹنگ میں مائناریٹز ایجوکیشنل سوسائٹیز کے نمائندوں کا کہنا ہیکہ ریاست میں بارٹی اور سارتھی کی طرز پر مسلمانوں کے لیے بھی آٹونومس ادارے کا قیام ہونا چاہیئے تاکہ مسابقتی امتحانات کی تیاری میں مسلم طلبا کی شرکت کو بھی یقینی بنایا جاسکے ۔
