شہر کے مصروف ترین راستوں میں سے ایک گاندھی نگر مین روڈ انتہائی خستہ حال ہوچکا ہے جس کے سبب عوام آئے دن متعدد تکالیف کا سامنا کرنے پر مجبور ہیں اور کوئی بھی شخص یا سیاسی رہنما اس جانب کوئی توجہ نہیں دے رہے ہیں۔
اس تعلق سے ایم ڈی ایف کے نائب صدر عمران راشد اور ان کے ساتھیوں نے پربھاگ افسر کو میمورنڈم دیتے ہوئے گاندھی نگر مین روڈ کا دورہ کروایا، جس کے بعد متعلقہ افسر نے جلد ہی سڑک درست کرنے کا کام کرنے کی یقین دہانی کرائی۔
اس تعلق سے عمران راشد نے کہا کہ دیگر مسائل کے ساتھ ہی ماضی میں مذکورہ راستے کی خستہ حالی کو لے کر پارٹی کارکنان نے زبردست احتجاج کیا تھا، جس کے بعد کارپوریشن کی جانب سے تقریباً چار کروڑ روپے کا فنڈ بھی منظور ہوا جس میں اس راستے کی درستگی کا فنڈ بھی شامل رہا لیکن تقریباً اب نو ماہ کا عرصہ گزرانے کے بعد بھی یہاں سڑک کا کوئی کام نہیں کیا گیا۔
ایم ڈی ایف کے فعال رکن پروفیسر وسیم موسی نے کہا کہ قوم کی ترقی کی بات کرنے والے پہلے سے ریلیز ہوئے فنڈ کے استعمال پر سوال اٹھانے کی بجائے نیا فنڈ پاس کرانے کی چکر میں ہیں۔
مزید پڑھیں:
'چندرکانت پاٹل کا ذہنی توازن بگڑ گیا ہے'
ایم ڈی ایف کے ذمہ داران کا کہنا ہے کہ اگر جلد ہی گاندھی نگر مین روڈ کی درستگی کا کام شروع نہیں کیا گیا تو پارٹی کارکنان بڑے پیمانے پر احتجاج کریں گے۔
