مراٹھواڑہ میں کورونا کے 184 نئے کیسز، چار اموات درج

ملک میں کورونا وائرس کا قہر جاری ہے، اس دوران مہارشٹر کے مراٹھواڑہ کے علاقوں میں گزشتہ 24 گھنٹے میں کورونا کے 184 نئے کیسز سامنے آئے ہیں، جبکہ چار افراد اس وبا سے ہلاک ہوئے ہیں۔

مہاراشٹر کے مراٹھواڑہ علاقوں میں گزشتہ 24 گھنٹوں کے دوران کورونا وائرس کے 184 نئے کیسز سامنے آئے اورچار افراد کی موت ہوئی۔

تفصیلات کے مطابق خطے کے آٹھ اضلاع میں سے بیڑ سب سے زیادہ متاثر رہا جہاں 74 نئے معاملے سامے آئے اور ایک شخص کی موت ہوئی۔ اس کے بعد عثمان آباد میں 71 کیسز اور ایک شخص کی موت ہوئی۔ اورنگ آباد میں 29 کیسز اور ایک شخص کی موت ہوئی۔

لاتور میں آٹھ کیسز اور ایک شخص کی موت ہوئی۔ ناندیڑ اور ہنگولی میں ایک ایک کیس درج کیے گئے ہیں۔ اس دوران پربھنی اور جالنا میں کورونا کا کوئی نیا کیس رپورٹ نہیں ہوا۔

یو این آئی