مہاراشٹر کے علاقہ مراٹھواڑہ کے آٹھ اضلاع میں گذشتہ 24 گھنٹوں کے دوران کورونا وائرس کے کے مزید 1678 نئے کیسز رپورٹ ہوئے ہیں اور اسی عرصہ کے دوران 28 افراد کی موت ہوئی ہے۔
جمعہ کے روز ہیلتھ کے افسران نے بتایا کہ اسی عرصے کے دوران ضلع اورنگ آباد سب سے زیادہ متاثر ہوا ہے جہاں 466 نئے کیسز اور نو اموات ہوئیں۔
اس کے علاوہ ضلع ناندیڑ میں 443 کیسز اور آٹھ اموات ،ضلع لاتور میں 274 نئے کیسز اور آٹھ اموات ، ضلع جالنہ میں 151 نئے کیسز اور دو اموات ، ضلع پربھنی میں 91 کیسز اورایک ہلاک ،ضلع عثمان آباد میں 115 نئے کیسز ، ضلع بیڈ میں 95 نئے کیسز اورضلع ہنگولی میں 43 نئے کیسز رپورٹ ہوئے ہیں۔
