مہاراشٹر کے شہر مالیگاؤں میں بھی ونچت بہوجن آگھاڑی کے مقامی صدر مقیم مینا نگری نے پریس کانفرس کے ذریعے مالیگاؤں بند کا اعلان کیا ہے۔
نیز انھوں نے کہا کہ 24 جنوری کو ایکاتمتا چوک کیمپ سے پیدل ریلی نکالی جائے گی اور پر امن طریقے پر شہریت ترمیمی قانون کے خلاف احتجاج کیا جائے گا۔
مقیم مینا نگری نے کہا کہ شہر میں موجود قومی رہنماؤں کے مجسموں پر پھول ہار کیا جائے گا اور اس پیدل احتجاجی ریلی کا اختتام ڈاکٹر بابا صاحب امبیڈکر مجسمہ پر ہوگا۔
پریس کانفرس میں دیگر مقررین نے اظہار خیال کرتے ہوئے کہا کہ اس قانون سے نہ صرف مسلمانوں بلکہ پسماندہ طبقے کے لوگوں کو بہت نقصان اٹھانا پڑے گا۔ اسی لیے آج وقت ہےکہ سب مل کر اس قانون کا بائیکاٹ کریں۔
پریس کانفرنس کے اخیر میں ونچت بہوجن آگھاڑی مالیگاؤں کے مقامی صدر مقیم مینا نگری نے ای ٹی وی بھارت پر 24 جنوری کو مہاراشٹر بند کے ساتھ مالیگاؤں بند کا اعلان کیا۔
