گزشتہ روز ادارہ نثری ادب کی ماہانہ ادبی نشست کا اہتمام اے ٹی ٹی ہائی اسکول کے مرکزی ہال میں ہوا۔
اس نشست میں شہر کے نو منتخب رکن اسمبلی اور جمیعت العلماء مالیگاؤں کے صدر مفتی محمد اسماعیل قاسمی کا استقبال و اعزاز کیا گیا۔
اس پروگرام کی صدارت لئیق انور (مدرس میونسپل اسکول اور بے لاگ تبصرہ نگار ) نے فرمائی اور اپنے خطبہ صدارت میں انہوں نے قلم کاروں کی کہانیوں اور افسانوں پر تنقید و تبصرہ پیش کیا۔
قلمکاران محفل میں بچوں کی مزاحیہ کہانیوں کے خالق عبدالمجید ماسٹر، ادیب اطفال ڈاکٹر اقبال برکی، ادارہ نثری ادب کے صدر اسحاق خضر، معروف افسانہ نگار طاہر انجم صدیقی اور قلمکار و تبصرہ نگار عبدالماجد انصاری نے اپنے فن پارے پیش کئے۔
اس نشست میں ڈاکٹر اقبال برکی نے ادارہ کی ترجمانی کرتے ہوئے کہا کہ نسل نو اب ادب کی جانب تیار ہے اور نئے قلمکار ملنے لگے ہیں جبکہ ادارہ کا مقصد اردو ادب کی ترویج و ترقی کر رہا ہے۔
پروگرام کے اخیر میں ناظم نسل نو رضوان ربانی نے مرحوم بختیار سعید کو خراج عقیدت پیش کیا، اس نشست میں اردو کے شیدائیوں کی کثیر تعداد موجود تھی۔
