کورونا وائرس کے معاملے میں مسلسل ہو رہے اضافے کے باعث انتظامیہ نے سخت ترین لاک ڈاؤن لگانے کا فیصلہ کیا ہے۔ ضلع کلکٹر کے اچانک اعلان سے عوام میں ناراضگی دیکھی جا رہی ہے۔
لاک ڈاؤن کی مخالفت میں عوام سڑکوں پر اتر آئی ہے اور حکومت کے خلاف نعرے بازی کررہی ہے۔ اس سلسلے میں اسٹوڈنٹس اسلامک آرگنائزیشن آف انڈیا کے مقامی صدر و اراکین نے گزشتہ روز مونسپل کارپوریشن کے ڈپٹی کمشنر نتن کاپڑنیس کو عوام کی ضروریات زندگی کے متعلق ایک میمورنڈم سونپا۔
جس میں ان نکات پر زور دیا گیا کہ لاک ڈاؤن لگنے کی وجہ سے شہر کا مزدور طبقہ کیسے زندگی گزارے گا۔ اگر شہر کی میڈیکل کرانہ وغیرہ کی دکانیں کھلی بھی رہیں تو مزدور کےسامان خریدنے کیلئے ان کے پاس رقم کہاں سے آئے گی۔
اس لیے بجلی بل معافی کے ساتھ ساتھ لاک ڈاؤن کی متعینہ میعاد تک عوام پر سے ٹیکسوں کا بوجھ ہٹایا جائے۔
اس تعلق سے مونسپل کارپوریشن کے ڈپٹی کمشنر نتین کاپڑنیس نے میمورنڈم لیتے ہوئے ہر ممکن تعاون کی یقین دہائی کرائی۔ اس موقع پر شبلی محمد ( زونل سکریٹری ایس آئی او مہاراشٹر نارتھ ) مقامی ممبران میں سیف الرحمن (مقامی صدر ) عمار انصاری، وقاص عامر وغیرہ موجود تھے۔
