مجلس اتحاد المسلمین مالیگاؤن کے ترجمان مستقیم ڈگنیٹی نے کہا کہ 'ایک بار پھر بی جے پی حکومت نے شہریت ترمیمی بل کو لوک سبھا میں منظور کروا کے کھلے عام مسلمانان ہند کے خلاف محاذ کھول دیا ہے۔
انہوں نے کہا کہ 'مجلس اتحاد المسلمین اس بل کی مخالفت کرتی ہے اور آئندہ دنوں میں رکن اسمبلی مفتی محمد اسماعیل قاسمی کی قیادت میں احتجاج کیا جائے گا۔
اس پریس کانفرنس میں کارپوریشن میں ایم آئی ایم کے گٹ نیتا ڈاکٹر خالد پرویز نے کہا کہ 'شیوسینا کی نا ختم ہونے والی فرقہ پرستی سے شہر کا سیکولر اور جمہوریت پسند طبقہ زبردست نالاں ہے، ایسے حالات میں جبکہ مالیگاؤں کارپوریشن میں میئر اور ڈپٹی میئر کی ڈھائی سالہ معیاد حاصل کرنے کے لیے 12 دسمبر 2019 کو انتخاب ہونا ہے اور شہر کی کانگریس اکائی اقتدار پانے کے لیے شیوسینا کی حمایت حاصل کر رہی ہے۔
انہوں نے کانگریس پارٹی سے گزارش کی ہے کہ ڈپٹی میئر کے عہدے کے لیے شیو سینا امیدوار کو ووٹ نہ دیں۔
اس پریس کانفرنس میں کارپوریٹر آمین فاروق، عبداللہ مفتی محمد اسماعیل، رمجو ممبر، کارپوریٹر منصور اور ایم آئی ایم کے دیگر سرکردہ ممبران شریک تھے۔
