آصف شیخ نے بتایا کہ مہاراشٹرا میں مالیگاؤں کے مضافاتی علاقوں میں کورونا کے کیسز میں بے تحاشہ اضافہ ہو رہا ہے جبکہ میونسپل کارپوریشن کی جانب سے چلائے جارہے کوویڈ سنٹرز بیڈز کی کمی ہے اور یہاں مریضوں کی کے ساتھ لاپرواہی کی جارہی ہے۔ انہوں نے کہا کہ کوویڈ سنٹرز میں آکسیجن سلنڈر اور ادویات کے علاوہ ڈاکٹرز کی کمی محسوس کی جارہی ہے۔
سابق رکن اسمبلی نے راجیش ٹوپے اور ڈاکٹر سادھنا سے مطالبہ کیا کہ کوویڈ سینٹرز میں کورونا مریضوں کو ہر طرح کی سہولت مہیا کی جائے اور تجربہ کار ڈاکٹرز کو تعینات کیا جائے۔ انہوں نے مالیگاؤں میں کورونا کے کیسز میں بے تحاشہ اضافہ پر بھی تشویش کا اظہار کیا۔
اس وقت کووڈ سے متاثرہ ڈیڑھ سو سے زیادہ مریض مالیگاؤں میونسپل کارپوریشن کے سہارا کوویڈ اسپتال میں زیر علاج ہیں جبکہ یہاں بہتر سہولتیں نہ ہونے اور تجربہ کار ڈاکٹرز کی عدم موجودگی کی شکایت کی جارہی ہے۔ آصف شیخ نے کہا کہ مطالبات قبول نہ کئے جانے کی صورت میں محکمہ صحت، میونسپل کارپوریشن اور اعلیٰ عہدیداروں کے خلاف سخت احتجاج کرنے کا اعلان کیا ہے۔
