سابق ریاستی وزیر کے فرزند اور کے بی ایچ کالج کے موجودہ چیئرمین پرساد ہیرے ہر برس اپنی سالگرہ شاندار طریقے سے مناتے ہیں لیکن اس بار انہوں نے اسے مزید منفرد کر دیا۔ اس بار اپنی سالگرہ پر انہوں نے لوگوں میں ماسک اور سینیٹائزر تقسیم کیا۔
تقریباً ایک برس سے پوری دنیا میں پھیلے کورونا وائرس کے پیش نظر پرساد ہیرے نے یہ فیصلہ لیا۔
اس موقع پر کے بی ایچ فارمیسی کالج کے اساتذہ و طلباء نے شہر کے مصروف علاقے قدوائی روڈ، جونا بس اسٹینڈ، نیا بس اسٹینڈ، موسم پل، راول گاؤں ناکہ، سٹانہ ناکہ اور کالج روڈ وغیرہ جگہوں پر جا کر عوام میں مفت سینیٹائزر اور ماسک تقسیم کیے۔
واضح رہے کہ ریاست مہاراشٹر میں جان لیوا وبا کورونا وائرس ایک بار پھر قہر برپا کررہا ہے جس کے سبب ریاستی حکومت نے رات کے اوقات میں کرفیو نافذ کرنے کا فیصلہ کیا ہے۔ اسی کے ساتھ ہی کسی بھی تقریب میں شرکا کی تعداد کو بھی محدود کردیا گیا ہے۔
