مالیگاؤں میں لاک ڈاؤن کی خلاف ورزی کرنے پر سنی جمعیت علماء کے ذمہ داران سمیت 25 افراد پر مقدمہ درج کیا گیا۔
پولیس کنٹرول روم سے ملی تفصیلات کے مطابق ریاستی حکومت نے کورونا وائرس کے چلتے ریاست بھر میں لاک ڈاؤن اور دفعہ 144 نافذ کرنے کے احکامات جاری کیے ہیں۔ ایسے میں مسلم اکثریتی شہر مالیگاؤں میں سنی تنظیموں سے وابستہ افراد نے آگرہ روڈ پر نبی کریم کی ذات مبارکہ پر نازیبا الفاظ کہنے والے مہنت نرسمہانند سوامی کے خلاف احتجاج کیا۔
احتجاج میں شامل لوگوں کا مطالبہ تھا کہ ملکی آئین کی خلاف ورزی کرنے والے مہنت نرسمہانند سرسوتی کو سخت سے سخت سزا دی جائے۔
لاک ڈاؤن کی خلاف ورزی کرنے پر سٹی پولیس عملہ کے رکن پولیس سپاہی بلہ نمبر 1955 ولاس رمیش سوریہ ونشی کی شکایت پر جمعیت علماء کے ذمہ دار یوسف الیاس، ڈاکٹر رئیس رضوی، عمران رضوی سمیت 25 افراد پر کووڈ کی قلم 188 / 269 / 270 / 56 / 3 / 4 / 5/ 218 / 2021 کے تحت مقدمہ درج کیا گیا ہے۔
