ریاست مہاراشٹر کے مسلم اکثریتی شہر مالیگاؤں میں واقع گرنا پل کے نیچے سے ایک شخص کی لاش بدآمد ہوئی ہے۔موصول اطلاع کے مطابق بیماریوں سے پریشان ہوکر فیزورآباد پوارواڑی کے 50 سالہ رہائشی شبیر خان نے خودکشی کرلی۔
سماجی کارکن شیخ شفیق نے کہا کہ گزشتہ روز گرنا پل کے نیچے سے ایک شخص کی لاش بدآمد ہوئی۔جان بحق ہونے والے شخص کی شناخت مالیگاؤں کے فیزورآباد پوارواڑی کے 50 سالہ رہائشی شبیر خان کے طور پر ہوئی ہے۔
سماجی کارکن شیخ شفیق نے ای ٹی وی بھارت کے نمائندے کو بتایا کہ شبیر خان اپنے مکان میں اکیلا رہتا تھا اور بیماریوں میں مبتلا ہونے کے سبب یہ کوئی کام بھی نہیں کرپاتا تھا۔ اس کے رشتے دار اور محلے کے افراد اس کی تمام ضروریات کو پورا کرنے میں مدد کرتے تھے۔
اس حادثہ کی اطلاع شریف منصوری کو ملی.جس کے بعد انہوں نے فورا جائے حادثہ پر پہنچ کر لاش کو سول اسپتال میں روانہ کیا اور قلعہ پولیس عملہ کو اس بات کی اطلاع دی۔ شیخ شفیق کی رہنمائی میں تمام قانونی مراحل کی تکمیل کے بعد شبیر خان کی لاش کو اہل خانہ کے حوالے کردیا گیا۔
