موٹر سائیکل چور گینگ گرفتار، 24 موٹر سائیکلیں برآمد

ریاست مہاراشٹر کے شہر مالیگاؤں میں سردی کے موسم میں ٹووہیلر گاڑیاں اور چوری کی واردات ہو رہی ہیں۔ اس ضمن میں عائشہ نگر پولیس انتظامیہ نے کاروائی کرتے ہوئے 24 موٹر سائیکل سمیت 5 چوروں کو گرفتار کیا ہے۔

مالیگاؤں شہر اور اطراف علاقوں میں چوری کی گئی موٹر سائیکل کو بھنگار اور سستے داموں میں نوٹری بناکر فروخت کیا جا رہا تھا۔ پولیس نے چوروں کے گروہ کا پردہ فاش کیا ہے۔

عائشہ نگر پولیس انتظامیہ نے پانچ افراد کو گرفتار کیا جن میں اویس ذاکر دھولیہ، صدام شیخ ڈونڈائچہ، فیضان نثار ڈونڈائچہ، شیخ عرفان اورنگ آباد اور راجندر مانکچند مالیگاؤں شامل ہیں۔ ان کے پاس سے 2 لاکھ 5 ہزار قیمت کی گاڑیاں ضبط کی گئی ہے۔

اس کاروائی کو کامیاب بنانے میں ضلع پولیس کمشنر آرتھی سنگھ، اے ایس پی سندیپ گھوگے، ڈی وائی ایس پی رتناکر نولے اور پی آئی کھگندر ٹیمبیکر شامل ہیں۔

مالیگاؤں شہر اے ایس پی سندیپ گھوگے نے پریس کانفرس کے ذریعے اس کی معلومات دی۔