مہاراشٹر میں گزشتہ 13 دن سے کورونا وائرس کے نئے کیسز کے مقابلے اس وبا کو شکست دینے والوں کی تعداد میں مسلسل اضافہ ہو رہا ہے۔
سرکاری ذرائع کے مطابق 24 گھنٹوں میں کورونا کے 40294 مریض صحتیاب ہوئے ہیں جس سے کورونا سے نجات پانے والوں کی تعداد بڑھ کر 5111095 ہو گئی ہے۔ اسی دوران 26133 نئے کیسز کے سامنے آنے کے بعد ہفتے کے روز متاثرین کی تعداد بڑھ کر 5533225 ہو گئی ہے۔ دریں اثناء مزید 682 مریضوں کی موت ہونے سے ہلاکتوں کی تعداد 87300 ہو گئی ہے۔
ریاست میں نئے کیسز کے مقابلے صحتیاب ہونے والے مریضوں کی تعداد میں اضافہ ہونے سے فعال کیسز کی تعداد 352247 رہ گئی ہے۔ مہاراشٹر میں ریکوری ریٹ بڑھ کر 92.04 فیصد ہو گئی ہے جبکہ شرح اموات 1.57 فیصد ہے۔
