مہاراشٹر کے ناگپور میں پولیس نے 19 سال کے ایک نوجوان کو 17 سال کی ایک لڑکی کا مبینہ طور پر اغوا کرنے اور اس پورے واقعے کا ویڈیو سوشل میڈیا پر ڈالنے کے معاملے میں گرفتار کیا ہے۔ اس واردات میں مدد کرنے والے اس کے دوست کو بھی گرفتار کیا گیا ہے۔
ایک سرکاری افسر نے اتوار کو بتایا کہ نامزد لڑکا اور لڑکی کے درمیان 2019 میں جان پہچان ہوئی تھی۔ دونوں کے درمیان تعلقات قائم ہوگئے اور دونوں ہی ٹک ٹاک ایپ پر ویڈیو بناکر اپلوڈ کرتے تھے۔
پولیس آفیسر نے بتایا کہ لڑکے نے لڑکی سے شادی کرنے کا وعدہ کیا اور جسمانی تعلقات بھی بنائے تھے، حالانکہ لڑکے کے اوپر کسی اور کے ساتھ تعلقات بنانے کا شک جب لڑکی کو ہوا تو اس کے بعد سے ہی دونوں کے تعلقات خراب ہونے لگے۔
18 جون کو لڑکے نے لڑکی کو ناگپور کے کمل چوک علاقے میں اپنے ایک دوست کی مدد سے بائک پر بیٹھنے کو مجبور کیا۔ جس کے بعد نوجوان نے ویڈیو بنایا اور اسے اپنے انسٹاگرام اکاؤنٹ پر پوسٹ کیا۔ ساتھ ہی لڑکی کے ساتھ مارپیٹ بھی کی گئی۔
یہ بھی پڑھیں: مہاراشٹر: خاتون کے ساتھ جنسی ہراسانی کے الزام میں آٹھ گرفتار
سرکاری آفیسر کے مطابق لڑکی کو مبینہ طور پر مارنے کی کوشش کی گئی، لیکن وہ جائے وقوع سے بھاگنے میں کامیاب رہی۔ کچھ مقامی لوگوں نے اس کی جانکاری بذریعے ٹوئیٹر پولیس کو دی، جس کے بعد نامزد شخص اور اس کے دوست کو گرفتار کرلیا گیا۔ ملزمین کے خلاف پوسکو ایکٹ کے تحت معاملہ درج کیا گیا ہے۔
