ریاست مہاراشٹر کے اورنگ آباد میں میونسپل کارپوریشن کے کمشنر استیک کمار پانڈے نے شہر میں کورونا وبا پر قابو پانے کیلئے شادی بیاہ اور دیگر تقریبات میں پچاس سے زائد افراد کے جمع ہونے پر پابندی عائد کردی ہے۔
ساتھ ہی انہوں نے انتباہ دیا ہے کہ 'اس کی خلاف ورزی ہونے پر فنکشن ہال کے مالک کے خلاف قانونی کارروائی کی جائے گی۔'
دراصل مہاراشٹر میں کورونا وبا کے اثرات کو دیکھتے ہوئے اورنگ آباد میونسپل کارپوریشن کی حدود میں سخت اقدامات کیے گئے ہیں۔
میونسپل کمشنر آستک کمار پانڈے نے شادی بیاہ اور دیگر تقریبات کے لیے مشروط اجازتی دی ہے، کمشنر کا کہنا ہے کہ 'پچاس سے زائد افراد کے جمع ہونے پر فنکشن ہال کے مالکان کے خلاف کارروائی کی جائے گی۔
اورنگ آباد میں آج بھی یومیہ ایک سو سے زائد کورونا کے مریض سامنے آرہے ہیں۔ ایسے میں احتیاطی تدابیر لازمی ہے۔
کمشنر کے مطابق 'خلاف ورزی کرنے والوں کو بار بار نوٹس جاری کیے گئے، اب راست کارروائی کی جائے گی۔'
