اورنگ آباد: مہاراشٹر کے ضلع اورنگ آباد میں واقع وڑگاؤں کولاٹی بجاج نگر گرام پنچایت انتخابات کے نتائج کا آج اعلان کیا گیا جس میں شندے گروپ کے گیارہ پینل کامیاب ہوئے اور شیوسینا کے چار جبکہ بی جے پی کے دو پینل کامیاب ہوئے۔ شند ے گروپ کی کامیابی پر اورنگ آباد میں زوردار جشن منایا گیا۔ Maharashtra Panchayat election Results 2022
اورنگ آباد کو شیوسینا کا گڑھ مانا جاتا ہے لیکن شیوسینا کے اس بار دو خیموں میں بٹنے کے بعد گرام پنچایت انتخابات میں ایکناتھ شندے گروپ حاوی رہا، انتخاب کے نتائج کے مطابق شندے گروپ کے رکن اسمبلی سنجے شرساٹھ کے گیارہ پینل منتخب ہوئے جبکہ شیوسینا کی حمایت والے چار پینل اور بی جے پی کے دو پینل کامیاب ہوئے۔
مزید پڑھیں:
واضح رہے کہ شیوسینا لیڈر آدیتہ ٹھاکرے نے باغی لیڈروں کو استعفیٰ دے کر چناؤ لڑنے کا چیلنج کیا تھا، اس لحاظ سے بھی یہ انتخاب پورے مراٹھواڑہ کی نظر میں تھا۔
