اسی طرح سے سردی اور پھر گرمی کا موسم وقت کے ساتھ ساتھ تبدیل ہوتا رہتا ہے۔ اس برس ریاست مہاراشٹر کے کئی اضلاع میں نومبر مہینہ میں بھی بے موسم بارش جاری ہے۔
ناسک، پونے، اورنگ آباد، دھولیہ، جلگاؤں اور دیگر اضلاع جن میں وہ علاقے بھی شامل ہیں جہاں سال میں کبھی کبھار ہی بارش ہوتی ہے۔
ضلع ناسک کے مالیگاوں، منماڑ، سٹانہ، نامپور اور اطراف میں گزشتہ دنوں اچانک موسلادھار بارش کی وجہ سے ندی، تالاب اور ڈیم پانی سے کئی بار بھر چکے ہیں نیز کھیت کھلیان اور رہائشی علاقے بھی جل تھل ہیں جس کی وجہ سے عام زندگی مفلوج ہو رہی ہے۔
اورنگ آباد اور اطراف کے پہاڑی علاقوں میں بے موسم بارش ہو رہی ہے۔ اسی طرح سے پونے، جلگاؤں اور مہاراشٹر کے دیگر اضلاع میں بھی محکمہ موسمیات کے مطابق آئندہ دنوں میں بارش ہونے کے امکان ہیں۔
اس طرح سے ہو رہی بے موسم بارش کی وجہ سے ایک طرف خوشی کی لہر ہے کیونکہ سوکھے علاقوں میں بارش سے ہریالی، کھیتی، ندی، نالے، تالاب، زمینی ڈیم کئی سالوں بعد لبالب بھر کر بہہ رہے ہیں۔
دوسری جانب مسلسل ہو رہی بے موسم بارش کی وجہ سے عام زندگی مفلوج ہو رہی ہیں اور ساتھ ہی کھیتی کی ہوئی فصل برباد ہو رہی ہیں۔
اس بے موسم بارش سے اندازہ لگایا جاسکتا ہے کہ بارش رحمت بھی اور زحمت بھی۔ ایک سروے کے مطابق امسال ریاست مہاراشٹر میں نفع بخش بارش ہوئی ہے۔
