پرمبیر کے الزامات جھوٹ کا پلندہ: انل دیشمکھ

مہاراشٹر کے وزیر داخلہ انل دیشمکھ نے ممبئی کے سابق پولیس کمشنر پرمبیر سنگھ کی جانب سے لگائے گئے الزامات کی تردید کی ہے۔مہاراشٹر کے وزیر داخلہ انل دیشمکھ نے ممبئی کے سابق پولیس کمشنر پرمبیر سنگھ کی جانب سے لگائے گئے الزامات کی تردید کی ہے۔

وزیر داخلہ انل دیشمکھ نے اپنا دفاع کرتے ہوئے ممبئی کے سابق پولیس کمشنر پرمبیر سنگھ کے الزامات کو جھوٹ کا پلندہ قرار دیا ہے۔

انل دیشمکھ نے ایک ٹوئٹ کرکے ’پرمبیر سنگھ کے الزامات کی تردید کی اور ان کی باتوں کو جھوٹ کا پلندہ قرار دیا۔ انہوں نے کہا کہ انٹیلا کیس اور منسکھ ہیرین کیس میں سچن وازے کے بعد تحقیقات میں اپنا نام آنے کے امکانات کو دیکھتے ہوئے پرمبیر سنگھ نے جھوٹے الزامات عائد کئے ہیں۔

وزیراعلیٰ ادھو ٹھاکرے کو لکھے گئے ایک خط میں سابق پولیس کمشنر پرمبیر سنگھ نے دعویٰ کیا ہے کہ ’وزیر داخلہ انل دیشمکھ نے معطل اے پی آئی، سچن وازے کو بارز اور ریسٹورنٹ سے ہر ماہ 100 کروڑ روپئے وصول کرنے کی ہدایت دی تھی‘۔

انہوں نے کہاکہ پرمبیر سنگھ قانونی کاروائی سے اپنے آپ کو بچانے کےلیے من گھڑت الزامات عائد کر رہے ہیں۔ سچن وازے کی گرفتاری کے بعد سابق ممبئی کمشنر کو بھی اپنی گرفتار کا خوف ہے۔ اسی لئے وہ اپنے آپ کو بچانے کےلیے ایسا کر رہے ہیں۔