بابائے قوم مہاتما گاندھی کی یوم وفات کے موقع پر ریاستی کانگریس کے صدر بالاصاحب تھورات نے بابائے قوم مہاتماگاندھی کے نظریات کو پوری دنیا کے لیے باعث تحریک بتایا اور کہا کہ باپو کے عدم تشدد کے نظریات پر چل کر ہی ملک ترقی کے منزل کو پاسکتا ہے۔
انہوں نے کہا کہ 'بابائے قوم مہاتما گاندھی نے پوری دنیا کے سامنے بھارت کی شناخت قائم کی۔ سچائی وعدم تشدد کے ذریعے عوامی تحریک کھڑی کرکے انہوں نے ملک کو آزادی دلائی۔ چمپارن میں کسانوں کے لیے ستیہ گرہ، عدم تعاون تحریک ، نمک ستیہ گرہ ، 1942میں واپس جاؤ تحریک جیسے کئی تحریکوں کی انہوں نے قیادت کی۔ قناعت وقربانی کی تعلیم دینے والے بابائے قوم مہاتماگاندھی کے نظریات کی آج پوری دنیا کو اشد ضرورت تو ہے ہی، ان کی زندگی ہمارے لیے مستقل تحریک کا باعث ہے'۔
