ممبئی: مہاراشٹر میں آج ایکناتھ شندے کی کابینہ میں توسیع ہوئی اور 18 ایم ایل ایز نے کابینہ کا حلف لیا۔ ان میں سے 9 بی جے پی کے اور 9 ایکناتھ شندے گروپ سے ہیں۔ واضح رہے کہ مہاراشٹر میں سیاسی ہلچل کے بعد 30 جون کو ایکناتھ شندے نے وزیراعلیٰ اور دیویندر فڑنویس نے نائب وزیراعلیٰ کے طور پر حلف لیا۔ اس کے بعد کابینہ میں یہ پہلی توسیع ہے۔ اس دوران وزیراعلیٰ ایکناتھ شندے، نائب وزیراعلیٰ دیویندر فڑنویس اور این سی پی رہنما اجیت پوار راج بھون میں موجود تھے۔ Maharashtra Politics
ایکناتھ شندے نے شیوسینا کے خلاف بغاوت کے بعد 30 جون کو وزیراعلی کے عہدے کا حلف لیا تھا۔ اس کے علاوہ بی جے پی رہنما دیویندر فڑنویس نے نائب وزیر اعلیٰ کے عہدے کا حلف لیا۔ تبھی سے دونوں دو رکنی کابینہ کے طور پر کام کر رہے تھے اور اس حوالے سے اپوزیشن مسلسل تنقید کر رہی تھی تاہم آج 18 ایم ایل ایز نے وزیر کے طور پر حلف لیا۔ Maharashtra Cabinet Expansion, 18 Ministers sworn
ان وزراء نے حلف لیا: رادھا کرشن وکھے پاٹل، سدھیر منگنٹیوار، چندرکانت پاٹل، وجے کمار گاوِت، گریش مہاجن، گلاب راؤ پاٹل، دادا بھُسے، سنجے راٹھوڑ، سریش کھاڑے، سندیپن بھومرے، اُدے سامنت، تانا جی ساونت، رویندر چوان، عبدالستار، دیپک کیسرکر، اتُل ساوے، شمبھو راج دیسائی اور منگل پربھات لوڈھا
