مہاراشٹر کے پاورلوم صنعتی شہر بھیونڈی کی سبھی حدود پر پولیس کی سخت نگرانی اور 16 چیک پوائنٹ پر ہونے والی تفتیش کے بعد بھی گٹکھا پان مسالے کا غیرقانونی کاروبار بدستور جاری ہے.
پولیس ذرائع سے موصولہ اطلاعات کے مطابق بھیونڈی کرائم برانچ یونٹ اور ایف ڈی اے کی ٹیم نے خفیہ اطلاع کی بنیاد پر مشترکہ کارروائی کرتے ہوئے ایک دکان پر چھاپہ مارکر تقریباً 10 لاکھ روپے مالیت کے مختلف برانڈ کا ممنوعہ گٹکھا پان مسالہ ضبط کرتے ہوئے ایک ملزم کو گرفتار کرکے دکان کو سیل کردیا ہے.
پولیس لاک ڈاون کے بعد بھی اس کاروبار کو کرنے والے پورے نیٹ ورک کا سراغ لگانے میں لگی ہوئی ہے. واضح ہوکہ بھیونڈی اور مضافات میں گزشتہ دو ماہ میں تقریباً 10 کروڑ روپے مالیت کا گٹکھا ضبط کیا چکا ہے.
مگر اسکے بعد بھی مافیا اس کاروبار کو انجام دے رہے ہیں. بااثر ذرائع کے مطابق لاک ڈاون میں پان مسالہ کا کاروبار کافی عروج پر ہے جسکا فائدہ اٹھانے میں مافیا لگے ہوئے ہیں.
