مہاراشٹر اسمبلی انتخابات کے نتائج کے بعد ایم آئی ایم کے ریاستی صدر امتیاز جلیل نے مخالف امیدواروں پر الزام عائد کیا کہ تمام ہی پارٹیوں نے مل کر ایم آئی ایم کو مہاراشٹر میں شکست دینے کی سازش رچی ہے۔
انہوں نے افسوس کا اظہار کرتے ہوئے کہا کہ سنہ 2014 میں اورنگ آباد سینٹرل حلقہ اسمبلی سے ایم آئی ایم نے کامیابی درج کی تھی لیکن اس مرتبہ اسے شکست ملی، لیکن ہم اس شکست سے مایوس نہیں ہیں بلکہ اپنی ہار کا جائزہ لیں گے۔
اس کے علاوہ مالیگاؤں حلقہ اسمبلی سے ایم آئی ایم کے کامیاب امیدوار مفتی محمد اسمعیل قاسمی نے اپنی جیت کا سہرا عوام کے سر باندھا۔
انہوں نے کہا کہ میری جیت پورے شہر کی عوام کی کوششوں کا ثمرہ ہے۔
واضح رہے کہ اورنگ آباد کے تینوں اسمبلی حلقوں ایم آئی کو شکست ملی جبکہ مالیگاؤن سینٹرل اسمبلی نشست سے اسے شاندار کامیابی ملی ہے، جہوں اس کے امیدوار نے تقریباً 40 ہزار ووٹ سے جیت درج کی ہے۔
