مہاراشٹر: یدی یورپا انتخابی مہم میں حصہ لیں گے

کرناٹک کے وزیراعلی بی ایس یدی یو رپا 21 اکتوبر کو ہونے والے مہاراشٹر اسمبلی انتخابات کے لیے بھارتیہ جنتا پارٹی کے امیدواروں کے حق میں تشہیر  کے لیے مہاراشٹر کے دورے پر ہوں گے۔

یدی یورپا کا دورہ 16 اکتوبر کو شروع ہوگا اور وہ سانگلی، شولا پور، اکال کوٹ، چاکر اور لاتور میں انتخابی ریلیوں سے خطاب کریں گے۔

یدی یورپا جمعرات کو کلبرگی، گنگا پور میں واقع دتاتریہ مندر کے درشن کرنے کے بعد بنگلور لوٹیں گے۔

تفصیلات کے مطابق یدی یورپا مہاراشٹر میں مقیم کنڑ اور لِنگایت طبقوں کے لوگوں کو متوجہ کرنے کے لیے انتخابی تشہیر کریں گے۔

اس کے علاوہ بی جےپی نے ایک اور لِنگایت رہنما، نائب وزیراعلی لکشمن سوارڈی اور سی ایس اشوت نارائن کو بھی مہاراشٹر اسمبلی کی تشہیری مہم کی ذمہ داری سونپی ہے۔