مہاراشٹر میں 12 بنگلہ دیشی شہری گرفتار

نو خواتین سمیت بارہ بنگلہ دیشی شہریوں کو انسداد دہشت گردی سیل (اے ٹی سی) نے بغیر کسی دستاویز کے بھارت میں غیر قانونی طور پر رہنے پر گرفتار کیا ہے۔

اے ٹی سی نے انہیں پیر کے روز ریاست مہاراشٹر کے ضلع پالگھر کے بوئسر علاقے سے گرفتار کیا ہے۔

اے ٹی سی کے اسسٹنٹ پولیس انسپکٹر مان سنگھ پاٹل نے بتایا کہ انہیں اطلاع ملی تھی کہ 12 بنگلہ دیشی شہری بوئسر کے علاقے میں غیر قانونی طور پر مقیم ہیں۔

افسروں کا کہنا ہے کہ ان کے پاس کوئی درست دستاویزات موجود نہیں ہیں۔ ان کے خلاف مقدمہ درج کرلیا گیا ہے اور مزید تفتیش جاری ہے۔